Wednesday, April 15, 2009

ഓര്‍‌ക്കുക






ഈ തെരഞ്ഞെടുപ്പുകാലത്ത് പലവിധ വിവാദങ്ങളിലായി മാധ്യമങ്ങള്‍ മുക്കിക്കളഞ്ഞ ചില സുപ്രധാന രാഷ്ട്രീയ വിഷയങ്ങള്‍ * സ്വയം ഓര്‍ക്കാനും ഉറപ്പുവരുത്താനും :

കമ്പോളമല്ല, ഗവണ്‍മെന്റാണ് രാജ്യം ഭരിക്കേണ്ടതെന്ന് പ്രഖാപിക്കാന്‍.

ഭീകരതയ്ക്ക് വിത്തുവിതയ്ക്കുന്ന വര്‍ഗ്ഗീയതയെ ചെറുക്കാന്‍.

ഇന്ത്യന്‍ പൊതുമേഖല ശക്തിപ്പെടുത്താന്‍.

60% ജനങ്ങള്‍ ഉപജീവനമാര്‍ഗ്ഗം തേടുന്ന കാര്‍ഷിക മേഖലയില്‍ ചെലവാക്കുന്ന തുകയുടെ പകുതി സര്‍ക്കാര്‍ സബ്സിഡിനല്‍കുമെന്ന് പ്രഖ്യാപിക്കാന്‍.

വിദ്യാഭ്യാസം, ആരോഗ്യം, ഗതാഗതം, ജലം എന്നീ മേഖലകള്‍ സര്‍ക്കാര്‍ മേല്‍നോട്ടത്തിലും ഉടമസ്ഥതയിലും സംരക്ഷിക്കാന്‍.

പി.എഫ്. പലിശ നിരക്ക് 13% ആയി ഉയര്‍ത്തുകയും പി.എഫ് തുക സ്വകാര്യ കമ്പനികള്‍വഴി ഓഹരികമ്പോളത്തിന് കൈമാറാനുള്ള യു.പി.എ. സര്‍ക്കാരിന്റെ തീരുമാനം പിന്‍വലിക്കുകയും ചെയ്യുമെന്ന് ഉറപ്പിക്കാന്‍.

പെന്‍ഷന്‍ സ്വകാര്യവല്‍ക്കരണബില്‍ , ബാങ്കിംഗ് ബില്‍ , ഇന്‍ഷൂറന്‍സ് വിദേശ നിക്ഷേപ പരിധി ഉയര്‍ത്താനുള്ള ബില്‍ , എന്നിവ പിന്‍വലിക്കാന്‍.

സര്‍ക്കാര്‍ അര്‍ദ്ധസര്‍ക്കാര്‍-സംസ്ഥാനസര്‍ക്കാര്‍ മേഖലകളിലും പൊതു മേഖലയിലും കഴിഞ്ഞ 15 വര്‍ഷമായി കാര്യമായി റിക്രൂട്ട്മെന്റ് നടക്കാത്തതുമൂലം ഒഴിഞ്ഞു കിടക്കുന്ന 50 ലക്ഷം വേക്കന്‍സികളില്‍ ഉടന്‍ നിയമനം നടത്തുമെന്ന് ഉറപ്പുവരുത്താന്‍.

ഇന്ത്യയുടെ പരമാധികാരവും സ്വാതന്ത്ര്യവും സാമ്പത്തിക മുന്‍ഗണനകളും തകര്‍ക്കുന്ന അന്താരാഷ്ട്ര കരാറുകളില്‍ നിന്ന് പിന്മാറുമെന്നും പാര്‍ലമെന്റിന്റെ അനുമതിയില്ലാതെ അത്തരം കരാറുകളില്‍ ഇനി ഏര്‍പ്പെടില്ലന്നും ഉറപ്പുവരുത്താന്‍.

തൊഴില്‍ സുരക്ഷ ഉറപ്പുവരുത്താന്‍, പണിമുടക്കാനും വിലപേശാനും തൊഴിലാളികള്‍ക്കുള്ള അവകാശം സംരക്ഷിക്കാന്‍.

ഭൂപരിഷ്കരണം നടപ്പാക്കുവാനും സെസുകള്‍ക്കുവേണ്ടി അന്യായമായി കര്‍ഷകരുടെ ഭൂമി ഏറ്റെടുക്കില്ലെന്ന് ഉറപ്പുവരുത്താന്‍.

കോര്‍പ്പറേറ്റ് നികുതി 50 ശതമാനമായി ഉയര്‍ത്താനും ഓഹരി കമ്പോളത്തിലെ ഇടപാടുകള്‍ക്ക് നികുതി ചുമത്താനുനുമുള്ള രാഷ്ട്രീയ ഇച്ഛാശക്തി കാട്ടാന്‍.സംസ്ഥാനങ്ങളില്‍ നിന്ന് പിരിച്ചെടുക്കുന്ന കേന്ദ്രനികുതി വരുമാനം അതത് സംസ്ഥാനങ്ങള്‍ക്കുതന്നെ നല്‍കുമെന്ന് ഉറപ്പുനല്‍കാന്‍.
ഇടതുപക്ഷത്തിനു വോട്ടു ചെയ്യുക.

*Modified from PAG Bulletin

2 comments:

ഭാര്‍ഗവി വിലാസം ടീസ്റ്റാള്‍ said...
This comment has been removed by the author.
ഭാര്‍ഗവി വിലാസം ടീസ്റ്റാള്‍ said...

ഒരു election കഴിഞ്ഞുപോയി. ഇപ്രാവശ്യം ആ ബഹളങ്ങളില്‍ പങ്കുചേരാന്‍ കഴിഞ്ഞില്ല.2004ല്‍ ആ വലിയ കൊടി ഉയര്‍ത്തിപ്പിടിച്ച് നട്ടുച്ചക്ക് അങ്ങാടിയിലൂടെ ആര്‍ത്തു വിളിച്ച് നടക്കുമ്ബോള്‍ ഉള്ളില്‍ പറഞ്ഞറിയിക്കാനാവാത്ത വികാരങ്ങളായിരുന്നു. കാലങ്ങളായി പച്ചകയറി നരച്ച കോട്ടകളിലൊക്കെ ഞങ്ങള്‍ ചെങ്കൊടി കെട്ടി.
ഇപ്രാവശ്യം അകലെയിരുന്ന് നാട്ടിലെ വാര്‍ത്തകള്‍ മാത്രം വായിച്ച് അസ്വസ്തമായ മനസോടെ നെക്കുറിച്ചോര്‍ക്കുമ്പോള്‍ എന്തോ പഴയ ആവേശത്തിന്റെ നിഴല്‍ പോലും മനസിലില്ല.

ഈ കാലഘട്ടത്തില്‍ നാം ഉയര്‍ത്തിപ്പിടിക്കേന്ട രാഷ്ട്രീയം, ദേശീയ അന്തര്‍ദേശീയപ്രശ്നങ്ങള്‍......അതൊന്നും വേണ്ട സ്വന്തം മനസാക്ഷി ഗൃഹാതുരതയോടെ ഒളിപ്പിച്ചു വെക്കുന്ന ആ ചിഹ്നത്തോടുള്ള സ്നേഹം...ചെങ്കൊടി എന്നും പാറിക്കളിക്കാനാശിക്കുന്ന മനസ്...അതുകൊന്ടൊക്കെ നാം ഒരുപ്ക്ഷെ വോട്ട് ചെയ്തേക്കാം...പക്ഷെ...

1.PDPയെ ഇത്ര ചേര്‍ത്തു പിടിക്കണമായിരുന്നോ?
2.അഴിമതി അരോപിക്കപ്പെട്ട വ്യക്തി പാര്‍ട്ടി സ്ഥാനങ്ങളില്‍ നിന്നും മാറി നില്‍ക്കേന്ടതായിരുന്നു.
3.നമ്മുടെ പാര്‍ട്ടി ഒന്നു തിരുമാനിച്ച് നേതക്കള്‍ തോന്നുമ്പോലെ പലതും പറയുന്ന രീതി അപചയം തന്നെ.
4.തുടങ്ങി വെച്ച പദ്ധതികള്‍ പലതും പാതിവഴിയില്‍ നിന്നത് പ്രതിപക്ഷത്തിന്റെ കുഴപ്പം കൊന്ടല്ല.

ഇതൊന്നും ദേശീയ വിഷയങ്ങളല്ല. പക്ഷെ അവ ചൂന്ടുപലകകളാണ്.സാധ്യത വന്നാല്‍ ഭരണത്തില്‍ പങ്കാളിയാവും എന്നു ഉറക്കെ മോഹിക്കുമ്പോള്‍ പ്രത്യേകിച്ചും.