എർത്ത്

വിയർക്കുന്നവർ 

വെയിലിനോട് ചോദിക്കണം 

വറ്റുന്ന ലോകത്തിന്റെ 

നീർവാർന്ന ശാപങ്ങളിൽ 

സൂര്യനും പങ്കുപറ്റുമോ എന്ന് ?

കാലമൊന്ന് 

കറങ്ങി തിരിയുമ്പോൾ 

അങ്ങേർ

വേനലിൽ കൈ കഴുകുമോ എന്ന് ?

ചൂടേ നിറുത്താതെ 

നീറി  നീറി 

ചുമ്മാ ഒലിപ്പിച്ചാപ്പോര 

അറിയണം 

നീന്നെയല്ലിവനെയുമല്ല  

കരിം കുടശ്ശിലകൾ 

കാത്തു രക്ഷിക്കുന്ന സൂര്യൻ 

തലയ്ക്ക് മുകളിലാണ് 

എവിടെ?

സൂര്യന്റെ എർത്തായാല്ലാതെ 

വെയിലിനോക്കെ എന്ത്  പ്രസക്തിയെന്ന് 

ഇവന്റെ  മൊബൈലിൽ 

എനിക്കായൊരീരടി  ദാ 

കവിതപോലെ വന്നതേയുള്ളു

"ടാ, കോപ്പേ 

കൊടയൊന്ന് മാറ്റി പിടി "

ആ തണലത്ത് നിന്ന്  

ഞാൻ അതൊന്നു 

വായിച്ചൊഴിവാക്കട്ട്