Saturday, September 1, 2007

പ്രണയത്തെക്കുറിച്ച് രണ്ട് കവിതകള്‍

കാഴ്ച


അന്നെനിക്ക്
നിന്നെക്കാണുവാന്‍
കണ്ണുകള്‍ വേണ്ടായിരുന്നു

കാരണം
നമ്മള്‍ അന്ധമായ്
പ്രണയത്തിലായിരുന്നു

പിന്നേന്നോ ഞാനൊരു
കണ്ണ് കടമെടുത്തു

അന്യമായ കാഴ്ചകളിലൂടെ
നമ്മള്‍ അപരിചിതരായത്
അന്നുമുതല്‍ക്കായിരുന്നു



അളവ്


പ്രണയത്തെ
കടലാസിലാക്കിയതാണ്
എനിക്ക് പറ്റിയ തെറ്റ്.

അവള്‍ പറഞ്ഞു

പ്രേമത്തെ സംബന്ധിച്ചിടത്തോളം
എ ഫോര്‍ സൈസ്
തീരെ ചെറിയൊരളവാണെന്ന്.

14 comments:

വിശാഖ് ശങ്കര്‍ said...

പ്രണയം എന്നും
നമുക്ക് മുകളിലായിരിക്കട്ടെ.
എന്തെന്നാല്‍
നേര്‍ക്ക് നേര്‍ നിന്നാല്‍
അത് നമ്മെ
പരിഹസിച്ചേക്കാം...

വിഷ്ണു പ്രസാദ് said...

രണ്ടു കവിതകളും മനോഹരമായിട്ടുണ്ട്.

Sanal Kumar Sasidharan said...

nannaayi

വിശാഖ് ശങ്കര്‍ said...

ഈ കയ്പന്‍ പ്രണയങ്ങളെ ഇഷ്ടപ്പെട്ട വിഷ്ണുവിനും, സനാതനനും നന്ദി.

nalan::നളന്‍ said...

കാഴ്ചയെപ്പറ്റി പറഞ്ഞത് പ്രണയത്തിലൊതുക്കിയതില്‍ പരാതിയുണ്ട് :)

വിശാഖ് ശങ്കര്‍ said...

പ്രണയം ഒരു വിചിത്രമായ കാഴ്ച്ചയല്ലേ നളാ:)

കമിതാക്കളെ സംബന്ധിച്ചിടത്തോളം അവര്‍ എന്തു കാണുന്നു എന്നതൊരു പ്രശ്നമല്ല.എന്തിലും അവര്‍ അവര്‍ക്ക് വേണ്ടത് കണ്ടോളും.സാഫല്യം മുതല്‍ ഈ മായക്കാഴ്ച്ചകള്‍ അഴിയുവാന്‍ തുടങ്ങും എന്നു മാത്രം :)

കെ.പി said...

മറ്റു കവിതകളുടെ വായനാനുഭവം തന്നില്ല എന്നൊരു തോന്നല്‍...

പീന്നെ “കാഴ്ച” എന്നല്ലേ... “കാഴ്ച്ച” എന്ന് “ച” ഇരട്ടിപ്പിച്ച് പറയണോ? കഴിഞ്ഞ കവിതയിലും ചില അക്ഷരപ്പിശാചുകള്‍ കണ്ടു..(വൃതം.. എന്നിങ്ങനെ)..തിരുത്തുമല്ലോ..

കെ.പി.

വിശാഖ് ശങ്കര്‍ said...

അക്ഷരപ്പിശാ‍ചിനെ തുരത്താന്‍ സഹായിച്ചതിന് ഒരുപാട് നന്ദി.

മുഹമ്മദ്‌ സഗീർ പണ്ടാരത്തിൽ said...

പ്രണയം,
വിരഹം,
ജീവിതം,
വിരസം.
പിന്നെ........
മരണം.

വെള്ളെഴുത്ത് said...

പ്രനയം കൊണ്ടാണ് അന്ധതയെന്നു തിരിച്ചറിയാത്തത് ഒന്നാമത്തെ തെറ്റ്. എ ഫോറിനും തുടര്‍ച്ചകളുണ്ടെന്നു മനസ്സിലാക്കാത്തത് രണ്ടാമത്തെ തെറ്റ്.. ഇത് പ്രണയഭംഗ കവിതകള്‍..

ഗിരീഷ്‌ എ എസ്‌ said...

നല്ല ഭംഗിയുള്ള കവിതകള്‍
ഒരുപാടിഷ്ടമായി
അഭിനന്ദനങ്ങള്‍...

Seema said...

nannayirikkunnu....pranayathe realistic aayi nokkikanunnu...alle?

ശ്രീ said...

രണ്ടും ഇഷ്ടമായി.
:)

വിശാഖ് ശങ്കര്‍ said...

മുഹമ്മദിനും,വെള്ളെഴുത്തിനും, ദ്രൌപദിക്കും, സീമയ്ക്കും നന്ദി.