Sunday, March 21, 2010

ത്ഫൂ.....

ബസ് സ്റ്റാന്റില്‍
ആളൊഴിഞ്ഞൊരു മൂലയില്‍
സിഗരറ്റും കത്തിച്ച് ചുണ്ടില്‍ തിരുകി
ഇരുട്ടത്തിരുന്നങ്ങ് മയങ്ങിപ്പോയി

കാലത്ത്
വീണ്ടും തിരക്കായിത്തുടങ്ങിയപ്പോ
ഇരിപ്പിടമൊഴിവുണ്ടോന്ന് നോക്കിവന്ന
ആരോ ആണ് കണ്ടുപിടിച്ചത്

ഇരുന്നയിരുപ്പില്‍ എരിഞ്ഞുതീര്‍ന്നിട്ടും
ഉടഞ്ഞുവീഴാത്തൊരു മുഴുനീളനുടല്‍

ത്ഫൂ.......

ഒറ്റ ഊത്തിന് പറന്നുപോയി

5 comments:

വിഷ്ണു പ്രസാദ് said...

ശക്തമായ ഊത്തു തന്നെ... :)

ഏറുമാടം മാസിക said...

avasaanthe oothaano....
nalla kavitha.

Junaiths said...

വിശാഖ് നല്ല കവിത..

പാമരന്‍ said...

great one maashe.

അനിലൻ said...

ഒരു കാറ്റുപോലും വന്നില്ലേ
രാത്രിയിലാ വഴിയേ?